நினைத்த நொடி முதல் மறக்கவில்லை

உனக்கு அனுப்பும் செய்திகளைக்
கொண்டு உன்னை நினைத்த நொடிகளை
கணக்கெடுக்கிறாய்
நானே கூறுகிறேன் கேள்
ஒரு முறைதான் என்று...

வெல்கிறது காதல்

உன்னோடு கோபம் கொண்டு
"இனி பேசக் கூடாது "
என்ற முடிவெடுக்கும்போதே
உன்னிடம் சொல்ல
ஆயிரம் செய்திகள் உருவெடுக்கிறது
என் மனதில்
மீண்டும் மீண்டும்
உன் மீதான கோவத்தை காதல் வென்றுவிடுகிறது
எப்போதும் போல் நான் மட்டும் தோற்று
உரையாடலை ஆரம்பித்து வைக்கிறேன்

வாழ்க்கை

இலக்கில்லா பயணங்கள்,
முடிவில்லா தேடல்கள்,
தீர்மானிக்கப்படா தருணங்கள்,
தொடர்ந்து வர எண்ணும் நொடியில்,
துண்டிக்கப்படும் தொடர்புகள்...